Pinagkaguluhan ang kauna-unahang Lip Sync Battle Competition sa pagdiriwang ng ikalabinlimang anibersaryo ng City College of Tagaytay, na dinaluhan ng mga mag-aaral ng CCT, noong ika-27 ng Septyembre 2018 sa ganap na ika-4 ng hapon sa CCT grounds.

Ang programa ay pinangunahan nina G. Erick Mark Antonio at G. Mark Clinton Borja na nagtanghal ng isang pampasiglang bungad sa mga manonood, at ipinakilala ang mga kalahok na nagmula pa sa iba’t-ibang departamento ng paaralan.

Mula sa School of Education (SEd), nagtanghal sina Christian Daguil bilang Nicki Minaj, Kennedy Gonzales bilang Miley Cyrus at Domingo Balani bilang Bruno Mars. Mula naman sa School of Computer Studies (SCS), nagpakita ng talento sa pag-awit at paggaya si Genevieve Arellano bilang Ariana Grande. Hindi naman nagpatalo sina Christian Dela Rea bilang si Regine     Velasquez at si John Venoit Lopez na umawit ng ‘Isang Linggong Pag-ibig’, na pambato ng School of Hospitality and Tourism Management (SHTM).

Sa School of Business Administration and Management (SBM) naman, nagpasikat sina Jerson Reyes at Dominador Tangara na nag ala-Salbakuta Boys, at si Ralph Lauren Castulo bilang Beyonce. At panghuli, mula sa CCT Senior High School (SHS), bumida sina Lara Ileana Trava bilang Sarah Geronimo at Fhil Anthony Fijer bilang isa pang Beyonce.

Nakuha ng Salbakuta Boys na sina Reyes at Tangara ang ikalawang pwesto na nagmula sa SBM. Nakuha naman ni Trava na bilang si Sarah Geronimo ang sumunod na pwesto. Sa huli, nagwagi sa kompetisyon ang nakilala naman bilang Beyonce na si Castulo mula ulit sa SBM at nakatanggap ng sertipiko at higanteng mikropono bilang kampyon.

Natapos ang programa sa ganap na ika-6 ng hapon bilang pagtatapos ng unang araw ng selebrasyon sa  anibersaryo ng CCT.