Niyanig ng sigawan at palakpakan ang buong paaralan ng City College of Tagaytay sa kompetisyon na kung saan nagtagisan ng talino at kakayahan sa pagsagot ang mga kalahok ng LGBT Community sa katanungang ginagamitan ng kritikal at lohikal na kaisipan, ang "That's my Q & A 2018" na ginanap noong ika-27 ng Setyembre 2018, ganap na ala-una hanggang alas-tres ng hapon sa CCT Grounds.

Pinasimulan ni Bb. Theresa Faminiano ang programma sa paglalahad ng mekanismo at pamantayan sa pagbibigay grado sa mga kalahok na sinundan ng pagpapakilala sa mga         nagpipitagang hurado na sina Bb. Yoly Marasigan, G. Fred Dimapilis, Bb. Lorna Toledo at maging ang president ng paaralan, kagalang-galang, Gng. Pacita Aquino.

Ito ay nilahukan nina Wincyl Bulangis at Chrismay Ramos (SBM), Michael Cabral at    Rosalinda De Guzman (SHTM), Jericho Miranda at Janet May Montillano (SCS), Joshua Rollon at Judy Ann Nonay (SEd), John Carlos Villena at Louise Antonette Gonzales (SHS).

Nasungkit ng SBM ang korona, at itinanghal bilang “Ms. Q&A 2018” si Wincyl     Bulangis at nakuha naman ng SEd ang titulong “Mr. Q&A 2018” na ginawad kay Judy Ann Nonay. Bilang pagbibigay pugay sa kagalingan at katalinuhang taglay ng mga kalahok na      nag-kampyon, sila ay ginawaran ng mga sertipiko, tropeyo at sash.

Nagwagi rin sina Michael Cabral bilang 1st runner up (SHTM), kasama si Chrismay Ramos (SBM). Nanalo rin sina Joshua Rollon (SED), at Rosalinda De Guzman (SHTM). Natapos ang patimpalak nang ika-3 ng hapon.