Sa pakikipagkaisa ng City College of Tagaytay (CCT) at Tagaytay City Risk Reduction Management Office (TCRRMO), isinagawa ang Earthquke Drill 2018 noong September 4, 2018,ala-unang hapon sa paligid ng paaralan, na dinaluhan ng mga kawani, guro at mag-aaral ng CCT.

Ilan sa mga miyembro ng TCRRMO ay nagbigay ng mga alituntunin sa mga estudyante bago isagawa ang aktibidad. Ilan sa mga ito ay ang mga posisyong Duck, Cover and Hold at ang iba pang dapat gawin tuwing mararanasan ang paglindol.

Ang aktibidad na ito ay naglalayong maisulong ang pagiging handa at alerto ng mga estudyante, guro at kawani ng CCT sa mga sakunang maaring maranasan sa lugar tulad ng paglindol.

Nakiisa ang lahat ng estudyante sa pagbaba at pag-alis sa kanilang mga silid-aralan habang patuloy ang pagtunog ng alarm sa tulong ng mga guro at kawani ng CCT.

Ayon kay G. Frederic D. Caraan, miyembro ng TCRRMO, maraming sakuna ang maaari nating maranasan gaya ng lindol, pagbaha, pagguho ng lupa at marami pang iba, kaya ang lahat ay dapat maging laging handa sa lahat ng oras, magkaroon ng kaalaman sa lahat ng dapat at hindi dapat gawin para sa kaligtasan ng lahat.

Sa pagtatapos ng drill, taos-pusong nagpasalamat ang opisyal ng TCRRMO sa pakiki-isa ng CCT sa isinagawang Earthquake Drill.